Ish-ministri i Jashtëm, Ditmir Bushati, ka renditur pesë mësimet që morëm nga zgjedhjet në Itali, ku fitoi qendra e djathtë e Gieorgia Melonit.Bushati thotë se mesazhi kryesor nga zgjedhjet e sapopërfunduara është se mbështetësit më të vendosur të qeverisë së unitetit të Mario Draghit humbën keq. 
Mesazhi i dytë sipas tij është se nuk ka ndonjë ndryshim të madh midis së majtës dhe së djathtës, për sa i përket mbështetjes popullore.Mesazhi i tretë, Bushati deklaron se është gabimi në strategjinë e përballjes me Melonin dhe përçarja e partive të qendrës së majtë.Për ish-ministrin, mesazhi i katërt ka lidhje me të ashtuquajturën votë kundër mënyrës së funksionimit të BE-së.Pesë mësime nga Italia.Të mësuar me “rrëmujën” e politikës italiane, por edhe me faktin se lidhja mes Shqipërisë dhe Italisë është e fortë dhe shtrihet përtej qeverive të radhës, nuk para i japim vëmendjen e duhur ndryshimeve politike atje, të cilat janë të shpeshta. Aq më tëpër që këto ndryshime nuk përjetohen me dramaticitet nga vetë italianët, por janë pjesë organike e sistemit demokratik. Edhe pse shpesh na pëlqen ta krahasojmë veten me italianët për stilin e jetës, veshjeve dhe ushqimit dhe përpiqemi të nxjerrim në pah përkatësinë tonë mesdhetare, për nga mënyra sesi e lexojmë dhe ushtrojmë politikën jemi të prapambetur.Përjetimi i zgjedhjeve të sapopërfunduara në Itali nga komentet e ndryshme në rrjetet sociale dhe hapësirën mediatike shqiptare më sollën në vëmendje të njëjtat përjetime si me fitoren e Presidentit Trump në vitin 2016 në SHBA; zgjedhjet e 2018-ës në Itali që konfirmuan si forcë të parë politike Lëvizjen e Pesë Yjeve; apo fitoren e Syrizas dhe referendumet e njëpasnjëshme në Greqi. Me pak fjalë, më shumë sesa tek pylli (fenomeni) e kemi huq të keq të përqendrohemi tek pema (individi), në funksion të agjendës politike të ditës.
