Kuvendi i Komunës së Tuzit ka zgjedhur pas kryetarit të komunës edhe nënkryetarin e Komunës së Tuzit dhe trupat punues të Kuvendit. Në seancën e rradhës nënkryetar i Komunës së Tuzit, u zgjodh Ivan Ivanaj, nga radhët e Lidhjes Demokratike Shqiptare, përbërse e Forumit Shqiptar. Për zgjedhjen e Ivanaj, votuan 21 këshilltarë nga radhët e Forumit Shqiptar ( ASH-LDSH-UDSH), këshilltari i Malit të Zi Demokratik, si dhe këshilltarët e Partisë Boshnjake. Të përmbajtur ishin këshilltarët e Partisë Demokratike të Socialistëve dhe këshilltari i Social Demokratëve. Ivan Ivanaj, është kryetar i Këshillit komunal të Malësisë të Lidhjes Demokratike Shqiptare, kurse nga zgjedhjet lokale të vitit 2014, e deri me tani, ishte këshilltar i kuvendit komunal të Tuzit, nga radhët e këtij subjektit politik.
Më këtë zgjedhje kuvëndi i komunës së Tuzit, edhe njëherë po tregon vijushmerinë dhe perpikmërinë në zbatimin e formules së bashkeqëverisjes së tre partive politike që fituan zgjedhjet per qëverisjen e Tuzit. Një fakt interesant që ia vlën te citohet është se në Mal të Zi Kryetari dhe Nenkryetari i komunës, ashtu si kryetari i parlamentit të Komunës zgjidhen me votë nga këshilltaret dhe nuk emerohen nga Partia.