Pas takimit të sotëm në Kancelarinë Federale me kancelaren Angela Merkel, kryeministri Rama shkruajti në Facebook se ndaj Shqipërisë kishte patur vlerësime dhe predispozita pozitive.
“Shumë i inkurajuar nga vlerësimet dhe predispozita pozitive ndaj Shqipërisë e kancelares Merkel” shkruan Rama në Facebook.
Megjithatë detaje të tjera nga takimi i tyre ka zbuluar vetë Kancelarja gjermane. Në faqen e profilit të saj në Instagram është postuar një foto mes saj dhe kryeministrit Rama.
Mesa duket Rama i ka dhuruar Merkelit si suvenir librin e tij të fundit me piktura artistike.
“Kancelarja Merkel pret Edi Ramën, Kryeministrin e Shqipërisë, në Kancelari. Politikani është gjithashtu një artist dhe i solli Kancelares librin e tij të fundit si një suvenir” është shkrimi që shoqëron foton mes Merkel dhe Ramës.
