Vazhdon pa ndërprerje puna për mirëmbajtjen e rrugëve, trotuareve dhe shesheve në qytetin e Shkodrës. Punimet po kryhen në kuadër të kontratës “Mirëmbajtje rrugë e trotuare në qytet”, e cila parashikon ndërhyrje aty ku ka patur amortizim apo dëmtime.Vemendje i është kushtuar edhe rrugëve pedonale në qytet si “Marin Beçikemi”, “Gjuhadol”, “Gjylbegaj” dhe “Kol Idromeno”.
Paralelisht është punuar dhe po punohet edhe në Bulevardin “Bujar Bishanaku”, Rruga e Pazarit, “Mbreti Gent”, “Ethem Osmani”, Tepe, “Evlija Çelebiu”, “Kongresi i Manastirit”, “Hasan Riza Pasha”, “Vaso Kadia” etj.Puna për mirëmbajtjen e rrugëve e trotuareve në qytet do të vazhdojë edhe në rrugë të tjera kryesore dhe dytësore.
