ZV / Ministri i Brendshem, z.Besfort Lamallari dhe Drejtorja e Drejtorisë për Çështjet Vendore dhe Prefekturat në Ministrinë e Brendshme, zj. Alma Mele, morën pjesë në analizën vjetore të PrefekturaShkodër për vitin 2020.
Sekretari i Përgjithshëm, zj.Felek Kasemi prezantoi raportin vjetor, ndërsa e cilësoi vitin 2020 si më sfiduesin. Viti i kaluar u fokusua në angazhimin e administratës kryesisht në luftën kundër Covid-19, duke luajtur një rol kryesor në koordinimin e veprimeve me anë të mekanizmave të Task-Forcës. Asnjëherë nuk u lanë jashtë vemendjes çështje të tjera me rëndësi si rritja e cilësisë së shërbimit ndaj publikut, projektet e implementuara në mbështetje të menaxhimit të emergjencave civile, investimet e qeverisë shqiptare Qarku 
Shkoder, si dhe çdo lloj veprimtarie për të cilën Institucioni i Prefektit është ngarkuar me ligj për të ndjekur.Në fjalën e tij, z.Besfort Lamallari vlerësoi angazhimin dhe bashkëpunimin e stafit të institucionit të Prefektit të Qarkut Shkodër me institucionet e tjera duke evidentuar si pjesë të rëndësishme së fundmi komunikimin dhe transparencën e institucionit me qytetarët.
Pavarësisht sfidës së menaxhimit të Covid-19 dhe situatës së përmbytjes, ai përgëzoi gadishmërinë e administratës në përmbushjen e detyrimeve ligjore.
Ministria e Brendshme
