Ministra e Arsimit, Evis Kushi, ka bërë të ditur se këtë vit projekti “Shkollat Qendër Komunitare” do të zbatohet edhe në 200 shkolla të tjera.Në qendër të këtij projekti është rritja dhe forcimi i mëtejshëm i partneritetit “shkollë-familje-komunitet”.“200 shkolla i shtohen këtij projekti të rëndësishëm në vitin shkollor 2021-2022. Kjo do të jetë një mundësi e mirë për rritjen e shkëmbimit të përvojave, bashkëpunimit, harmonizimit dhe hapjen e shkollave për komunitetin”, shprehet ajo.Gjithashtu Kushi thotë se ky projekt mjaft i rëndësishëm i kthen shkollat në vendin ku bashkëpunohet për përmirësimin e arritjeve dhe zhvillimin e potencialit të plotë të çdo nxënësi.“Shkollat qendër komunitare janë një shtysë për nxitjen e vullnetarizmit për të shtuar kontribut në komunitet. Shkolla nuk duhet të jetë një mjedis i veçuar, por në shërbim të të gjithëve”, shton Kushi.
