Presidenti i Republikës Ilir Meta ka uruar besimtarët myslimanë me rastin e Natës së Kadrit. Ai shkruan se Nata e Kadrit është sa një jetë dhe sonte qielli dhe toka përulen në lutjet tuaja, teksa uron nga Shkodra gëzuar.Meta kujton edhe fjalët e Kuranit se “Zoti nuk i do arrogantët dhe mburravecët”.“NATA E KADRIT, sa një mijë muaj, sa një jetë, prandaj ështe quajtur E BEKUAR. Sonte qielli dhe toka përulen në lutjet tuaja.Gëzuar Natën e Paqes së Madhe nga Shkodra, djepi i kulturës, simbol i bashkëjetesës fetare, i qëndresës antikomuniste dhe i demokracisë.
Festat fetare këtë vit po i kalojmë në një situatë të jashtëzakonshme, por siç na porosit dhe Profeti Muhamed: Besimi më i mirë është durimi dhe shpirtgjerësia. Me dashuri dhe mirëkuptim do t’i kalojmë së bashku sfidat.Sic thotë Kurani: Zoti nuk i do arrogantët dhe mburravecët. GËZUAR NATËN E KADRIT!
ZOTI E BEKOFTË SHKODRËN DHE SHQIPËRINË! 
”, shkruan Meta.
Nga Shkodra, presidenti Ilir Meta është pyetur në lidhje me temën e këtyre ditëve, Teatrin Kombëtar.Kreu i shtetit theksoi se fakti që ishte në një vend të shenjtë, nuk do donte të fliste për këtë çështje.Ndonëse për të edhe çështja e teatrit ishte e shenjtë, një çështje kombëtare.“Këtu jam me myftiun dhe jam përpara një vendi të shenjtë, kështu që nuk dua të flas për çështje të tjera. Megjithëse çështja e teatrit është e shenjtë, kombëtare”, tha Meta.Myftiu i Shkodrës Imam Muhamed Sytari gjatë pritjes që i bëri Presidentit Ilir Meta në Myftininë e Shkodrës i dhuroi kreut të shtetit një fotografi të xhamisë së Plumbit, një xhami simbol për myslimanët por edhe një monument kulturor me vlera të mëdha historike për Shqipërinë.
