Presidenti i Shqipërisë, Bajram Begaj ka nisur takimet me të gjithë faktorët e politikës në vend, për caktimin e datës së zgjedhjeve lokale që do të mbahen në 2023. Kreu i Partisë Agrare Ambientaliste, Agron Duka tregon detaje nga takimi i sotëm me kreun e shtetit.Ai tha se u diskutua për caktimin e datës së zgjedhjeve vendore. Duka pohoi se në takimin me Begajn u propozua data 14 maj, si datë për zgjedhjet e lokale të 2023-it.“I propozuam Presidentit datën 14 maj. Biseda u soll rreth këtyre çështjeve dhe Presidenti paraqiti gatishmërinë e tij për çdo problematikë që mund të hasim gjatë gjithë kohës”.
