Laçi e ka nisur me humbje aventurën në Ligën e Konferencës. Kurbinasit e Shpëtim Duros u mposhtën me rezultatin 1-0 në transfertë ndaj Podgoricës. Fund dramatik për skuadrën shqiptare, që në minutën e 95-të, kishte shansin e artë për të barazuar rezultatin, teksa Mentor Mazrekaj gaboi nga pika e bardhë e penalltisë. Gjuajtja e tij u ndal nga portieri i Podgoricës.Ndërkohë që golin e fitores për vendasit e shënoi Vujoviç po me 11-metërsh në minutën e 57-të. Sfidën e kthimit bardhezinjtë do e luajnë në datën 15-të në “Elbasan Arena”. Pavarësisht humbjes, Laçi i ka të gjitha shanset, që të përmbysë rezultatin në takimin e kthimit, për të avancuar në raundin e dytë të Ligës së Konferencës.
FT: PODGORICA-LAÇI 1-0
Vujoviç 57′ (p)
KOMENTI LIVE:
Mbyllet ndeshja!
90+5′ Penallti për Laçin. E merr përsipër Mazrekaj, por gjuajtja e 32-vjeçarit u prit nga portieri i skuadrës malazeze. Të pafat kurbinasit!
