Pas fitores së betejes me korona virus të qytetarve të komues së Tuzit në Mal të zi, kreu i kësaj komune Nik Gjeloshaj nepermjet rrjeteve sociale u ka dhënë lajmin tjeter të mirë qytetarve të kësaj komune, duke u treguar disa nga investimet në infrastrukturen rrugore që po kryhen në teritorin e komunës së Tuzit.Ja çfar shkruan kryekomunari Nik Gjeloshaj!
Të nderuar qytetarë,
Planifikuar me Planin vjetor të punimeve dhe me kërkesën time, aksi rrugor nga ura e Zharnicës deri në qendër të Tuzit, do të bëhen përmirsimet e duhura dhe shtresa e re e asfaltit në të gjitha pjesët e nevojshme.
Punimet mund të zgjasin, sepse kemi insistuar që puna të përfundohet me standarde.
Andaj apelojmë te Ju për mirëkuptim.
Partneriteti dhe kërkesat tona po respektohën nga institucionet!
Po ashtu dëshiroj t’Ju informoj që shumë shpejt do të përfundohet pjesa e parë e bulevardit Tuz-Podgoricë, ndërsa projekti kryesor për pjesën tjetër, deri te komuna do të përfundohet për 3-4 muaj.
Në Malësi vite me radhë, ish pushtetarët e komunës nuk kanë investuar, sidomos në zonat malore. Prandaj këtë vit, ne posaçërisht do të fokusohemi në infrastrukturën rrugore, të planifikuara me buxhetin kapital, siç është rruga e Kojës,Trieshit, Dinoshës, Sukruqit, Mileshit, Nenhelmit…etj.
Sinqerisht,
NGJ
