NGA : MARASH GILAJ
Trokitje për çmimin “ Gjekë Marinaj”
(Fantazi mbi poezinë “ Kuajt” të Gjekë Marinaj)
Ti refuzove të të quanin kalë,
Ndaj, çave ferrën tridhjetë vjet më parë.
Fluturove larg, duke kaptuar fusha, male, dete ,
oqeane dhe qytete,
sepse nuk doje të flisje gjithë jetën me vete.
Ikën tre dekada nga ajo kohë e mallkuar,
I le “kuajt” në parajsën e marrëzisë,
Në kërkim të emrit tend të merituar,
Dhe u bëre i famshëm në Amerikën e demokracisë,
Nga njerëzit me tru vlerësuar
si Ambasador i Shqipërisë.
Tani je i lirë të shikosh në 360 gradë,
Nuk e ke të ndaluar të qeshësh as të qash,
Fjalën e thua hapur, s’të bën kush barrikadë,
Bën zgjedhjet tua, në çdo fushë,
Nuk të diktojnë se çfarë do të pish e çfarë do të hash.
Një merak e kam, s’mund të rri pa thënë,
Në atdheun tend dhe timin, ata që sundojnë sot,
I kanë hipur kalit qorr,
Duke humbur rrugën që në oborr.
Çdo shkatrrim e quajnë reformë e përparim,
Mbuluar me fjalë të bukura si në një varrim.
Besoj se ke dëgjuar, nuk është diçka e re,
Këta burra të zgjedhur, mbajnë nga 3-4 emra,
E kanë ndrruar 2-3 fé.
Të gjithë duam të ikim , jemi vënë në garë,
E kemi kuptuar,
se Shqipërinë, këta e dashkan pa shqipëtarë,
Jeta po bëhet gjithnjë më e vështirë,
Mos duhet të presim që të bëhet më keq,
e pastaj të bëhet më mirë?!
25 Gusht 2020
P.S. Falemnderit që na dhatë mundësinë të bëhemi pjesë e këtij konkursi.
