Një memorial i ngritur në qënder të Bajzë së Kastratit , pikrisht në afersi të shpellës së Frashnit , edhe pse në rrjete sociale ka patur kundërshtime , ose e thënë ndryshe kontestime nga mjaft prej intelektualve Bajzjanë dhe jo vetëm , në mbrëmjen e kësaj të hënë është përuruar në mënyren më të mirë të mundshme . Pas himnit Kombëtar , kanë qënë dy moderatoret e kësaj veprimtarie Drande Xhaj dhe Astrit Fani , 
sa ndërmëndje aq edhe kulturore të cilët kanë treguar se si do të vijohej më tej kreu i Bashkisë Tonin Marinaj ka ngritur Flamurin Kombëtar . 
Më pas është zbuluar Memoriali kushtuar luftës së Moksetit kundër pushtuesve Otoman të 110 viteve më parë . Nderkaq Gjokë Luli , si njëri ndër organizatorët ka folur rreth punës së kryer nga të gjithë dhe veçanarisht rreth ndihmës financiare të djemve Kastratas .
Të pranishmit i ka përshëndetur edhe Monsinjor Anxhelo Masafra i cili është shprehur se është një koinçidencë e bukur kjo festë , në diten e Shën Rrokut . Veçmas të tjerve këtu ka përshëndetur edhe kreu i Shoqatës Atdhetare Malësia e Madhe me seli në qytetin e Shkodres Ilmi Kurtaj , i cili ka folur edhe si një pasardhës i disa prej deshmorve të këtyre ngjarjeve historike .
Ky event ishte konceptuar dhe realizuar me profesionalizem nga specialist i njohur i kulturës Pretash Gjekaj , ç’ka vërtëtë e bëri këtë mbrëmje e të këndshme në Bajzë të Kastratit . Lahutari i mirënjohur Pretash Nilaj ka qënë i pari nga atrtistët e ftuar në këtë mbrëmje i cili me zërin e tij brilant ka bërë që sukat e Moksetit të jehojnë fuqishëm . Më tej janë ngjitur me radhë në skenë artistë të tjerë kalibri si Skënder Xhafa apo dhe Nikoll Buçi e Tom Vukaj të cilët kënduan bukur një këngë kushtuar Kastratit 
. Gofile Papleka, , Vida Kunora , Fred Delaj , Viola Shqau e mjaft të tjerë por dhe dy më të Bukurat e Logut të Bjeshkve me këngët dhe valet e tyre i dhanë sharmin e duhur këtij eventi historik e kulturor .
Atmosferë festive e bënë më të këndshme edhe interpretimet e humoristëve Marash Kaçaj me koleget e tijë . Kësisoj duhet theksuar e kjo mbrëmje festive në Bajzë ka treguar edhe një herë se arti dhe kultura Malësore janë kthyer në ”shtepinë” e tyre , dhe këtë meritë e kanë organizatorët e realizimit të këtij Memoriali , së bashku me djemtë Kastratas që jetojnë e punojnë në Amerike dhe vëndet europiane , ndaj ka qënë Valentin Lumaj i ardhur enkas nga Amerika si përfaqësues i organizatës “Vatra” në Amerikë i cili edhe ka vlersuar me çertifikatë mirënjohje organizatoret . Kështu kjo natë është vlersuar edhe si një shportë me lule këngë për emigrantët Bajzjanë dhe Malësor.
