Faleminderit z. Presiddent! At që duhej ta bënte, bashkia ime, bashkia e gjithë Malësorve, po e bëni Ju.Këto rreshta në respekt të njëres prej ngjarjeve më të lavdishme të historisë së popullit tonë. Luftës së Koplikut 1920, të shkruar nga dora Juaj, janë vlersim për ne.Edhe njëherë Faleminderit! Një vlersim meriton edhe historiania malësore Rita Shkurtaj Kalaj e cila plot guxim, dhe profesionalizëm, e ka një meritë për “shkundjen” e pluhurit të harreses së kësaj ngjarje. – Redaksia e Revistës “Fjala”-
Ja çfar Shkruan Presidenti Ilir Meta për këtë ngjarje historike në 100 vjetorin e saj…
Lufta heroike në mbrojtje të kufirit veriperëndimor të Shqipërisë, e njohur si “Lufta e Koplikut”, në zbatim të vendimeve të Kongresit të Lushnjës, është një nga ngjarjet më të rëndësishme në historinë tonë të shek. XX.Kjo luftë është simbol i qëndresës, atdhedashurisë dhe patriotizmit të pashoq për mbrojtjen, deri në sakrificën më sublime, të integritetit territorial të shtetit shqiptar, të pavarësisë e sovranitetit të tij.
Në 100-vjetorin e kësaj lufte, kujtojmë me nderim e mirënjohje dhe përulemi para veprës së figurave të shquara të kombit, Bajram Currit e Ahmet Zogut dhe qindra heronjve malësorë nga Dukagjini, Kopliku, Gruda, Traboini, Kastrati, Shkreli, Gruemira, Bajza, Grizha, Buza e Ujit, luftëtarëve të paepur nga Plavë-Gucia, nga Kosova 🇽🇰 e nga Shkodra, si dhe vullnetarëve nga vise të tjera shqiptare, që, të frymëzuar nga ndjenjat më të lartë të atdhedashurisë, dhanë gjithçka për mbrojtjen e kufijve territorialë të Shqipërisë.
Malësia e Madhe, fisnike dhe e mençur, e cila mbajti peshë të rëndë në këtë luftë, edhe kësaj here dëshmoi se është krenaria dhe nderi i kombit.
Lufta e Koplikut i dha një impuls edhe më të fuqishëm Luftës për çlirimin e Vlorës dhe Ilmbarë Shqipërisë. 🇦🇱
