Vllaznia ka fituar ndeshjen e zhvilluar brenda shtëpisë , atë ndaj ekipit të dytë shkodran , Vllaznisë B . Ekipi i drejtuar nga trajneri Ernest Gjoka triumfoi me rezultatin e thellë 7 – 1 ndaj Vllaznisë B të Ervis Krajës . Vllaznia zbriti në fushën e lojës me këto lojtarë : Sherri , Pjeshka , Malota , Berisha , Mersini , Bardulla , Tafili , Hajdari , Kalaja , Vucaj dhe në sulm Ribaj . Pikërisht , Ribaj do të ishte një nga lojtarët më aktiv , teksa do të shënote dy prej shtatë golave . Fillimisht në minutën e 11-të dhe më pas në të 29-tën . Golat e tjerë do të shënoheshin nga Bardulla , Kalaja , Marku , dhe Lika e Sukaj që do të gjenin golin me nga një 11-metërsh . Goli i vetëm për Vllazninë B do të shënohej nga mbrojtësi Hysënaj në pjesën e dytë . Ky takim i ka vlejtur dy trajnerevë , si Gjokës ashtu edhe Krajës , për të parë nga afër edhe gjendjen reale të lojtarëve të tyre . Ndërkohë , javën e ardhshme pritet që Vllaznia të zhvillojë edhe një tjetër miqësore , para se të rikthehet në Shkodër , por këtë here ndaj një ekipi malazez . Natyrisht që me këtë fitore ndaj të vetve Vllaznia , nuk duhet kënaqur , për me teper duket se detyra e teknikut Gjoka dhe vet lojtarve është rikthimi i peshes së fanelles së Vlllaznisë , mbasi realisht mosgjetja e një ekipi për të zhvilluar miqësoren , qoft ne kampionatin e Malit të Zi , po kështu edhe brenda kampionatit Shqiptar , tregon se duhet shumë punë per të kthyer shkelqimin e duikurshem të Vllaznisë .
