Presidenti i Republikes Dekoron tre figura të shquara …

0
710

Prg – Ndue Bacaj –  Presidenti i Republikes Dekoron tre figura të shquara të historisë së Malesisë dhe këngëtaren shkodrane Mukades Çanga.
     

Si asnjë president tjetër i mëparshëm i Republikës së Shqiperisë , shkelqësia e tij z. Bujar Nishani ka vlersuar me dekorata e tituj nderi , treven e Malësisë Madhe “Nderi i Kombit” , (Kelmendin “Nderi i Kombit” , Kryengritjen Antikomuniste të Malësisë Madhe të 1945 me ”Medaljen e Artë të Shqiponjës” e tjer) , si dhe mjaft figura të saja historike , patriotike e kulturore-artistike , që i lanë nderë e lavdi ndër mote e shekuj Malesisë e Shqiptarisë. Presidenti i Republikës në vijim të ketij vlersimi historiko-patriotik me daten 19 qershor 2017 , nderoi e vlersoi duke dekoruar figura të shquara të historisë e atdhetarisë të Malësisë së Madhe e Shqiptarisë :
1. Çun Mulen (1818-1896) , patriotin e bajraktarin (flamurtarin) e njohur kombëtarisht e ndërkombëtarisht të Hotit , Malësisë e Shqiptarisë.
2.Zenel Shabanin (1850-1919) , vojvoden dhe patriotin famëmadh të Kastratit , Malesisë Madhe e më gjërë.
3.Elez Hoxhën (1915-1919) , Imamin atdhetar , fetar dhe antikomunist të Malesisë , i palekundur edhe kur ai per bindjet e tij u persekutua e denua me burg.
Ketë ditë presidenti nderoi e vlersoi edhe Znj.Mukades Çanga , kengëtare famëmadhe e kengës qytetare shkodrane , (me origjinë të hershme nga lagja “Çangaj” e Rrjollit të Malesisë , gjë që e tregon edhe mbiemri).
Motivimet e ketyre dekorimeve , flasin mjaft qartë per njohjen dhe vlersimin e veprimtarisë së tyre , ndaj menduam ti citojmë nga orgjinali si vijon:
Presidenti i Republikës i jep :
Çun Mulës (pas vdekjes) , dekoratën “Nderi i Kombit” :
“Per kontributin e shquar në luftën per krijimin e shtetit shqiptar dhe mbrojtjen e kufijve të tij , duke organizuar me aftesi të larta strategjike e drejtuese forcat e zones kundër armiqve , per rolin e madh në pajtimin e gjaqeve dhe vendosjen e harmonisë ndërfetare në të gjithë Shqiperinë. Per persekutimin familjar nga diktatura , per shkak të qendrimit të pathyer antikomunist dhe në mbrojtjen e teritoreve kombëtare Shqiptare”.
Nr. dekretit 10481
Tiranë , më 19.06.2017 .
Presidenti i Republikës i jep :
Zenel Shabanit (pas vdekjes) , dekoraten “Nderi i Kombit” :
“Per kontributin e shquar patriotik si personalitet e udhëheqës i njohur i Malesisë Madhe , firmëtar i shumë memorandumeve derguar fuqive Europiane , luftëtar i pa epur per shumë vjet kundër pushtuesve të huaj në mbrojtjen e trojeve Shqiptare nga tjetersimi”.
Nr. Dekretit 10479
Tiranë , më 19.06.2017.
Presidenti i Republikës i jep:
Elez Hoxhës (pas vdekjes) , titullin “Kalorës i urdhrit të Skenderbeut”:
“Në vlersim e nderim të veprimtarisë së tij të çmuar atdhetare , për kontributin e jashtzakonshëm si Imam i shquar i zonës të Malësisë Madhe , i cili u persekutua nga komunizmi per atdhedashurinë dhe frymen tolerante e bashkuese që percillta në mësimet e tij”.
Nr. Dekretit 10480
Tiranë , më 19.06.2017.
Presidenti i Republikës i jep:
Znj. Mukades Çanga titullin “Mjeshter i Madh” :
“Në vlersim të kontributit të saj shumëvjeçar në ngritjen e e nivelit të muzikës shqiptare , interpertimit me passion e orgjinalitet , pa u shkëputur nga vlerat e traditës të këngës qytetare shkodrane”.
Nr. Dekretit 10482 , Tiranë , më 19.06.2017.
Cermonia e dekorimit nga presidenti i Republikës z.Bujar Nishani u zhvillua në sallen e cermonive të presidencës (Tiranë) , ku muaren pjesë dhjetra trashigimtar dhe të afërm të patriotëve të dekoruar , të ftuar të tjer , veprimtar të njohur të gazetarisë , publicistikes e historisë , të cilët ndër vite me punen e tyre të publikuar kishin arritur të sensibilizojnë opinionin , autoritete kompetente të vlersimit të figurave patriotike dhe vetë Presidentitn e Republikës. Gjithashtu në cermoni ishin të ftuar edhe autoritetet lokale si kryetarja e Qarkut Shkoder znj. Gerta Bardeli , kryetari i Bashkisë Malesi e Madhe z.Tonin Marina , N/Kryetari i Bashkisë (M.Madhe) z.Sytki Ndrecaj –njëkohesisht presidenti i shoqates patriotike Malesia e Madhe “Nderi i Kombit” dhe një nga vlersuesit dhe promovuesit e njohur të figurave dhe vlerave historike-kulturore të trevës së Malesisë Madhe. Presidenti i Republike ju a dorzoi ekoratat : “Per Çun Mulen , sternipit Maliq Çunmulaj , per Zenel Shabanin , mbesës Hana Islam Zeneli , per Elez Hoxhen , djalit tij Enver Hoxhaj . (Zonja Mukades Çanga ishte prezente dhe e mori vetë dekoraten). Ata që kishin nderin t’u dorzohen dekoratat në mes emocioneve të mëdha falnderuan President e Republikës z.Bujar Nishani…
Mbasi unë kam shkruar në gazeta e portale per tre figurat patriotike të Malësisë e më gjërë , si dhe realizuar portrete e dokumentare që para shumë viteve (së bashku me gazetarët Vasel Gilaj dhe Gëzim Vuçaj në TV-Kopliku e tjer) , unë mendova të mos perserisë vetvehten duke shkruar ketu portrete per keta tre të dekoruar , që me vepren e tyre patriotike e kanë shkruar portretin e tyre me shkronja të arta në panteonin e shqiptarisë.
V00: Duke u bazuar në rregulloren e presidencës , ne (si pjesmarrës të kesaj cermonie) , nuk na u lejua të bejmë fotografi në sallen e cermonive të presidencës. Fotot me të cilat po e shoqerojmë ketë reportazh janë realizuar jasht ambienteve të presidencës , ndersa u lejuan të filmojnë aktivitetin me kamera “statike” televizionet : TV-Kopliku (Gëzim Vuçaj) , TV-Boin (Sandra Bojaj ) dhe një televizion i Potgoricës (Malit Zi).
Tiranë , më 19.06.2017.


LINI NJË KOMENT

Please enter your comment!
Please enter your name here